ტრენინგის მე - 9 - დღე

   

      ტრენინგის ბოლო დღე, გულწრფელად მოგახსენებთ, იყო  ჩვენი ,,გარჯის გვირგვინი". კიდევ ერთხელ გადავავლეთ თვალი ჩვენს პროექტებს და ინდივიდუალურად წარმოვადგინეთ   პრეზენტაციების სახით. ყველა მათგანი, ვფიქრობთ, იყო ძალიან საინტერესო,ზუსტად იყო მათში  იდენტიფიცირებული პრობლემა, მიზანიც სწორად იყო დასმული, აქტივობებიც კარგად  იყო მოფიქრებული ამ პრობლემების გადასაწყვეტად. მოსმენილი პრეზენტაციების  შემდეგ  მოვახდინეთ ძირითადად პოზიტიური უკუკავშირის გაცემა, ასევე აზრთა ურთიერთგაცვლა.კარგი იქნება, თუ ეს პროექტები რეალურად განხორციელდება...
     ზოგადად, ინტელის ეს ტრენინგ-კურსი ,,პროექტებით სწავლება" პირადად ჩემთვის  იყო ძალიან საინტერესო და ინფორმაციული, არა მხოლოდ თეორიული თვალსაზრისით, არამედ - პრაქტიკულადაც, განსაკუთრებით  მომეწონა, პროექტებთან დაკავშირებული ნებისმიერი წვრილმანი დეტალის დამოუკიდებლად  გაკეთება რომ ვისწავლე: გავაკეთეთ გეგმა, შევქმენით პროექტის პორტფოლიო, რომელიც შემდეგ ტექნიკურად ბლოგზეც  ავტვირთეთ.
     ბევრი  საინტერესო ტრენინგი გამივლია, სადაც ბევრ სიახლესაც  გავცნობილვარ, მაგრამ  პირფერობის გარეშე უნდა ვთქვა, რომ  ეს ტრენინგი განსაკუთრებული იყო, ალბათ ამ მოდულიდან გამომდინარეც და, ტრენერის - ქალბატონ ქეთევან ცერაძის მიერ გამოყენებული მეთოდების- მასალის  მარტივად თეორიულად ახსნისა და ასევე მარტივად პრაქტიკულად სწავლების-ინდივიდუალური ხერხების  წყალობით . 

მე - 8 - დღე

             ჩემთვის  დღევანდელი დღე ყველაზე  რთული და ამავდროულად სასარგებლო  იყო. ბევრი რამ გავიმეორეთ,  ზოგიერთი რამ  ხელახლაც გავაკეთეთ, რომ უფრო კარგად დაგვემახსოვრებინა.
          დღეს ვისწავლეთ მოსწავლის ფასილიტაციის  ნიმუში. მოვაწესრიგეთ ჩვენი  საქაღალდე, ავტვირთეთ  ჯერ დრაივში, შემდეგ- ბლოგზე.  

მე- 7-ე დღე

 დღესაც,  ტრადიციულად,  გავიმეორეთ  წინა   დღის  მასალა.  შემდეგ ვისწავლეთ  განსხვავებული მოსწავლის საჭიროებები და შესაბამისი დავალებების მიცემა. რაც ყველაზე შრომატევადი და საინტერესო იყო, დავასრულეთ პროექტის გეგმაზე მუშაობა ქალბატონ ქეთევანის  დიდი ძალისხმევით და ჩვენი  დიდი მონდომების წყალობით. 

მე-6- ე დღე

       
  ტრენინგის   მე - 6 - ე დღე  კიდევ  უფრო  საინტერესო იყო,  გავიმეორეთ  წინა დღის მასალა,  გავეცანით სასწავლო პროექტის გაწერის პროცედურებს, სხვადასხვა სახის შეფასებების   რუბრიკებს.  შევქმენით  მოსწავლის პრეზენტაცია. საკმაოდ საინტერესო, ინფორმაციული და ახალი ცოდნის  შეძენის თვალსაზრისით  პროდუქტიული იყო დღევანდელი დღეც.

ტრენინგის მეხუთე დღე

                   ტრენინგის  მეხუთე დღეც ძალიან საინტერესო იყო. გავიმეორეთ წინა დღეს განვლილი მასალა. გავეცანით ინტერნეტმისამართების მითითებას ბლოგში - ლინკის სახით. ამის შემდეგ ვისწავლეთ  მოსწავლის ბლოგის გაკეთება,  მასში ინფორმაციებისა და სურათების  განთავსება, ბლოგისთვის ფონის მიცემა, გაჯეტებისა და პოსტების გაკეთება.  დღევანდელი დღე იყო განსაკუთრებით ნაყოფიერი და დიდი მადლობა ამისთვის ქალბატონ ქეთევანს   თითოელი მონაწილის მიმართ გამოჩენილი  ყურადღებისთვის  და  საინტერესო  საუბრისთვის.

ტრენინგის მეოთხე დღე

      ტრენინგის  მეოთხე  დღე  კიდევ  უფრო საინტერესო  და ბევრის  მომცემი აღმოჩნდა.  ვიმუშავეთ   პროექტის  ეტაპების  მიხედით  შეფასების სისტემის შექმნაზე , ასევე   ვიმუშავეთ  მასწავლებლის პრეზენტაციებზე. 

ტრენინგის მესამე დღე

     ტრენინგის მესამე დღე კიდევ უფრო საინტერესო  და პროდუქტიული იყო. დღევანდელ დღეს ვისწავლეთ  პროექტის მიზნების დასახვა, ე.ს.გ.-ს სტანდარტებთან/ინდიკატორებთან მორგება. ვიმუშავეთ  პროექტების ძირითად შინაარსობრივ,თემატურ და მიმართულების  მიმცემ კითხვებზე.

ტრენინგის მეორე დღე

       დღევანდელი  დღე  ენერგიულად დავიწყეთ. გამოვიკითხეთ  საშინაო დავალება - ჯგუფის წევრების მიერ მოფიქრებული პროექტების სათაურები,რომლებიც გამოირჩეო და აქტუალობით და ზოგიერთი კრეატიულობით.
       ვისწავლეთ სარეკლამო ბუკლეტის დამზადება,მოვათავსეთ  სასწავლო პროექტის დამხმარე საქაღალდეში. პუბლიკაციის შენახვისა და საიმედოდ დაცვის მიზნით ვისწავლეთ ,,დრაივში" ჩვენი დოკუმენტაციის შენახვა.